ထိုင်းဘက်ကမ်းရှိ ကရင်ရွာသားနှစ်ဦးကို အမည်မသိ သေနတ်သမားများ ပစ်သတ်သွား

ဇွန် ၂၄ရက်၊ ကေအိုင်စီ

အခင်းဖြစ်ပွားရာနေရာ
ထိုင်းနိုင်ငံ။ မဲဆောက်မြို့ နှင့် ၁၁၅ကီလိုမီတာ ကွာဝေးသည့် မဲ့တရီဂွင်မှ ရွာသားနှစ်ဦးကို ဇွန်လ ၂၃ရက်နေ့ ညတွင် အမည်မသိ သေနတ်သမား၃ဦးက ပစ်သတ်သွားခဲ့သည်ဟု အနီးတဝိုက်မှ ဒေသခံများ၏
ပြောပြချက်အရ သိရသည်။

ယမန်နေ့ ည (၈း၃၀)နာရီခန့် အချိန်တွင် အဆိုပါသေနတ်သမားများသည် ဆိုင်ကယ်နှစ်စီးဖြင့် ထိုင်း
ဘက်ခြမ်းရှိ မဲ့တရီမှ ၈ကီလိုမီတာ ကွာဝေးသော သေဘေထာ့ရွာရှိ နေအိမ်တအိမ်တွင် ရောက်ရှိလာပြီး
အိမ်ပေါ်မှ ဖါးမော်ကလိုး ၃၆နှစ်နှင့် ဖါးအဲ့ခလိန်း ၂၈နှစ်တို့ ကို သေနတ်ဖြင့် ချိန်ရွယ်ခေါ်
ဆောင်သွားကာ လမ်းတွင် ပစ်သတ်ခဲ့ခြင်းဖြစ်သည်ဟု အမည်မဖော်လိုသူ ဒေသခံတဦးက ပြောသည်။

“မနေ့ ည ၈နာရီခွဲလောက်မှာပဲ၊ ဆိုင်ကယ်နှစ်စီးနဲ့  သေနတ်သမားသုံးယောက်က အိမ်ပေါ်တက်လာပြီး ဖါးမော်ကလိုးနဲ့  ဖါးအဲ့ခလိန်းကိုအောက်ဆင်းလာဖို့ ခေါ်တယ်။ ဖါးမော်ကလိုးက ၂နှစ်အရွယ်သားလေး
ကိုချီပြီး ဆင်းလာတော့ သေနတ်သမားက ကလေးကိုထားခဲ့၊ မထားခဲ့ရင် ကလေး
ပါပစ်သတ်မယ်လို့ ပြောတယ်။ သူတို့ နှစ်ယောက်ကို ခေါ်သွားပြီး ကားလမ်းဘေးက ဈေးဆိုင်ဟောင်း
နေရာအရောက်မှာရုန်းရင်းဆန်ခတ်ဖြစ်ပြီး ဖါးမော်ကလိုးကို အရှေ့ ဖက်က နှစ်ချက်ပစ်တော့
ပွဲချင်းပြီးသေတယ်။ ခေါင်းကိုထုပြီး နောက်ကျောဖက်ကနေ နှစ်ချက်အပစ်ခံရတဲ့
ဖါးအဲ့ခလိန်းက တညလုံးကူညီမဲ့သူမရှိဘဲ မိုးလင်းမှ မဲ့တန်ဆေးရုံပို့ မယ်လုပ်တော့ လမ်းမှာပဲ
သေသွားတယ်”ဟု ဆိုသည်။

အဆိုပါအခင်းဖြစ်ပွားရာနေရာသို့  ယနေ့ နံနက်ပိုင်းတွင် ဒေသဆိုင်ရာ ထိုင်းအာဏာပိုင်များက
လာရောက်၍ စုံစမ်းစစ်ဆေးမှုများ ပြုလုပ်ခဲ့ကြပြီး အလောင်းကို ထိုနေရာ့ပင် မြုပ်နှံသင်္ဂြိုလ်လိုက်
ကြသည်ဟု မျက်မြင်တဦးကကရင်သတင်းစဉ်ကို ယခုလို ပြောသည်။သူက “ဒီမနက်အထိတော့
အခင်းဖြစ်တဲ့နေရာမှာ ထိုင်းဘက်က ရဲတွေ။ စစ်တပ်တွေနဲ့  ထောက်လှမ်းရေးတွေ လာစစ်ဆေးတော့ ရှုတ်ယှက်ခတ်နေတယ်။ သေဆုံးသွားတဲ့သူတွေရဲ့ အလောင်းကို အဲဒီနေရာမှာပဲ မြုပ်လိုက်တယ်။
သိပ်ကြာကြာမထားဘူး၊ လူတွေလာကြည့်မှာစိုးလို့  ထင်တယ်။ဖါးမော်ကလိုးရဲ့  မိန်းမနဲ့  ကလေး
(၄)ယောက်၊ ဖါးအဲ့ခလိန်းရဲ့  မိန်းမနဲ့  ၂လသားအရွယ်ကလေး ကျန်ရစ်ခဲ့တယ်”ဟု ပြောသည်။ထိုသို့ ဝင်ရောက်ပစ်ခတ်သွားသူများမှာ ဒီကေဘီအေတပ်ဖွဲ့ 
ဝင်များဖြစ်နိုင်ကြောင်းကိုလည်း ကေအဲန်ယူဘက်က ခန့် မှန်းပြောဆိုသည်။ “ကြား
ရသလောက်က သေဆုံးသွားသူတွေကို သေနတ်သမားတွေက ကေအဲန်ယူရှိသလားလို့ 
လာမေးတယ်၊ ငွေတောင်းတယ်။ နောက်ပြီး ရုန်းရင်းဆန်ခတ်နဲ့ ပြန်ခုခံတော့ ပစ်သတ်လိုက်တယ်။
လတ်တလောအခြေအနေမှာ ညကြီးမင်းကြီး ထိုင်းကလည်း လာမေးမှာမဟုတ်ဘူး။ ရွာသားတွေဟာ
တနေ့ လုပ်တနေ့ စားပြီး ဘယ်အဖွဲ့ အစည်းနဲ့ မှ ပတ်သက်တာမဟုတ်ဘူး၊ အဲလိုလာမေးပုံထောက်တော့
ဒါဟာ ဒီကေဘီအေကလွဲပြီး တခြားဘယ်သူမှမဖြစ်နိုင်ဘူး”ဟုကေအဲန်ယူ တွဲဖက်အတွင်းရေးမှူး(၁)
ဗိုလ်မှူးစောလှငွေက ပြောသည်။

ဇွန်လဆန်းပိုင်းကတည်းက ထိုင်း-မြန်မာနယ်စပ်တွင် ဖြစ်ပွားနေသည့် နအဖ၊ ဒီကေဘီအေတပ်ဖွဲ့ နှင့် ကေအဲန်ယူတပ်မဟာ(၇)၏ တိုက်ပွဲကာလအတွင်း နအဖနှင့် ဒီကေဘီအေဘက်မှ ပစ်ခတ်သည့်
လက်နက်ကြီးးများ ထိုင်းဘက်ခြမ်းသို့  ကျရောက်ခဲ့သော်လည်း ယခုလို ပစ်ခတ်သတ်ဖြတ်မှုမှာ
ပထမဆုံးဖြစ်ပြီး တရားခံကို ဖမ်းဆီးနိုင်ခြင်းမရှိသေးဟု သိရသည်။

သတင်း ပေးပို့ သူ နန်းဖော့ဂေအား ကျေးဇူးတင်ရှိပါသည်။