ကရင်လူမျိုး ရေရှည်တည်တံ့ဖို့ လွယ်ပါ့မလား

Jan 27၊2009
ဆောင်းပါး Add comments စာရေးသူသည် နားဖြင့်သော်လည်းကောင်း၊ အချို့သော အရေးအသားများ၌ သော်လည်းကောင်း ကြားရဖတ်ရသည်မှာ ကြရင်လူမျိုးဟာ တိမ်ကော ပပျောက်ဖို့ မလွယ်တော့ဘူး။ ဗမာ စစ်အုပ်စု ပြောသလို ကရင်လူမျိုးကို ပြတိုက်ထဲ ထည့်ပစ်မယ်ဆိုတာ ဘယ်တော့မှ ဖြစ်လာနိုင်စရာ အကြောင်း မရှိတော့ဘူး။ ဘာကြောင့်လဲဆိုတော့ ကရင်လူမျိုးတွေထဲက အတော်များများ နိုင်ငံတကာကို ရောက်နေပြီး အသိပညာ အတတ်ပညာရှင်တွေ ဖြစ်လာတာနဲ့အတူ ကရင်လူမျိုးအချင်းချင်း လက်ထပ်ထိမ်းမြားခြင်းအားဖြင့် သူတို့တတွေရဲ့ သားစဉ်မြေးဆက် ကရင်တွေ ဖြစ်ကြသလို သူတို့ရဲ့သွေးတွေဟာ ကရင့်သွေး ဖြစ်နေကြလို့ပဲ။ဋ္ဋ အဆိုပါ စကားရပ်များနှင့် စပ်လျဉ်း၍ စာဖတ်ပရိသတ် အနေဖြင့် မည်သို့စဉ်းစားမိပါသနည်း။

ကျွန်ုပ်တို့အနေဖြင့် လူမျိုးတမျိုးအဖြစ် ပြောဆိုနိုင်ရန်မှာ လူမျိုးတမျိုးနှင့် ကိုက်ညီသောအချက် များရှိရန် လိုအပ်၏။ အဆိုပါအချက်များမှာ
၁။ ကိုယ်ပိုင်စာပေ
၂။ ဘာသာစကား
၃။ အမျိုးသား ၀တ်စုံ
၎။ ရိုးရာဓလေ့ထုံးစံ
၅။ ကိုယ်ပိုင်အတီးအမှုတ် တူရိယာပစ္စည်း ရိုးရာအကများနှင့် တေး လင်္ကာများ
၆။ ကိုယ်ပိုင်အုပ်ချုပ်ခွင့်နယ်မြေ (မိမိတို့ကိုယ်တိုင် ရေးဆွဲချမှတ်ထားသည့် ဖွဲ့စည်းပုံ အခြေခံဥပဒေ)
အနည်းဆုံး ဤအချက် (၆)ချက်ဖြင့် ပြည့်စုံကုံလုံမှု မရှိပါက ကျွန်ုပ်တို့သည် မိမိကိုယ်ကို လူမျိုးတမျိုးအဖြစ် သတ်မှတ်ပြောဆိုရန် ခဲယဉ်းပေချိမ့်မည်တည်း။

ကိုယ့်မင်းကိုယ်ချင်းဖြင့် နေထိုင်ရန် မဆိုထားနှင့် အချို့ကရင်များသည် အမိအဘ ကရင်ဖြစ်ပါလျှက် အမျိုးသားရေး စိတ်ဓာတ် ကင်းမဲ့ ခေါင်းပါးခြင်း၊ မိခင်သည် ကရင်လူမျိုး ဖခင်က လူမျိုးခြား ထိုသူတို့သည် မိမိကိုယ်ကို ကရင်အမျိုးသားအဖြစ် ခံယူမှု မရှိခြင်း၊ အချို့ ဖခင်သည် ကရင်လူမျိုး မိခင်က လူမျိုးခြား ထိုသူတို့သည် မိမိကိုယ်ကို ကရင်အမျိုးသားအဖြစ် ခံယူမှု မရှိခြင်း၊ ထိုမျှမက မိမိ၏ မိခင်ဘာသာ စကားကိုပင် ပြောဆိုမှု မရှိခြင်း၊ အမျိုးသားဝတ်စုံကို ၀တ်ဆင်မှု မပြုခြင်း၊ မိမိဘာသာစာပေကို သင်ကြားလိုစိတ် မရှိခြင်း၊ မိရိုးဖလာ ဓလေ့ထုံးစံများကို မျက်ကွယ်ပြုခြင်း၊ မိမိကိုယ်ပိုင် ယဉ်ကျေးမှု တူရိယာ ပစ္စည်းများနှင့် အကများ တေးလင်္ကာများကို သီဆိုတီးမှုတ် ကခုန်လိုစိတ် ကင်းမဲ့ခြင်းတို့သည် ကရင်လူမျိုးအဖြစ် ခိုင်ခိုင်မာမာ ရေရှည်တည်တံ့ရန် လွယ်ကူနိုင်ပါ၏လော။

ယခင်ရှေးအခါများ၌ ကရင်ရွာတရွာဖြစ်သည့် ရွှေတောရွာသည် ကရင်အမျိုးသား ယဉ်ကျေးမှုအကကို ထိန်းသိမ်းမြှင့်တင်ရန် မဆိုထားနှင့် ယဉ်ကျေးမှုအကအဖွဲ့များ သယ်ယူပို့ဆောင်သည့် လှည်းယာဉ်များကိုပင် ရွာအတွင်းသို့ ဖြတ်သန်း ၀င်ရောက်ခွင့် မပြုသဖြင့် ကွေ့ပတ်ကွင်းရှောင် သွားလာခဲ့ကြရဖူးပါ၏။ ယခုအချိန်ကာလ၌မူ ပြောင်းလဲမှု ရှိမရှိကို စာရေးသူအနေဖြင့် အတတ်မဆို နိုင်ချေ။

အရွယ်ရောက်ပြီး ကရင်အမျိုးသားနှင့် ကရင်အမျိုးသမီးတို့အချို့ မည်သည့်အတွက်ကြောင့် ကရင်အချင်းချင်း လက်ထပ် ထိမ်းမြားလိုစိတ် ကင်းနေရသည်ကို စာဖတ်ပရိသတ်များ အနေဖြင့် ရံဖန်ရံခါ စဉ်းစားမိဖူးပါ၏လော။ စာရေးသူအမြင်၌မူ ကရင်အမျိုးသား အချို့သည် ဘ၀ကို အလေးအနက် ထားလိုစိတ် မရှိသည့်အပြင် အမျိုးသမီးတဦး သဘောကျ လက်ခံနိုင်လောက် သည့် ပြောဆိုနေထိုင် ကျင့်ကြံမှု အားနည်းခြင်း၊ အမျိုးသမီးတဦး အနေဖြင့် မိမိအား ယုံကြည် အားကိုးနိုင်လောက်သည့် အရည်အချင်းများ ချို့ငဲ့ခြင်းတို့သည် အခြေခံ အချက်များ ဖြစ်နေလိမ့်မည်ဟု ထင်မြင် ယူဆမိပါ၏။

အိမ်ထောင်စုတစု တည်ထောင်ရာတွင် အခရာ အကျဆုံးမှာ စီးပွားရေး (ပုံမှန်ဝင်ငွေ) ဖြစ်ပါ၏။ ပုံမှန်ဝင်ငွေ မရှိသော မိသားစုတစု၏ အိမ်ထောင်ရေး သာယာချမ်းမြေ့မှုသည် အရှည်တည်တံ့ ခိုင်မာနိုင်ပါမည်၏လော။

အခြားအချက်တချက်မှာ ကရင်အချင်းချင်း လက်ထပ်ထိမ်းမြားထားသည့် မိသားစုအတွင်း (အချို့) မိမိ၏သားငယ်သမီးငယ်များကို ပြောဆိုဆက်ဆံရာ၌ မိမိတို့ ဘာသာစကားဖြင့် ပြောဆိုဆက်ဆံခြင်း မပြုဘဲ (နီးစပ်ရာ) အခြားဘာသာစကားဖြင့်သာ ပြောဆို ဆက်ဆံနေခြင်း၊ အချို့မူကား ဤသို့ဆိုပါ၏ ကျြုပ်တို့က ခင်ဗျားတို့ အရှေ့တိုင်းကထက် ပိုဆိုးတာဗျို့ မြစ်ဝကျွန်းပေါ် မှာတုန်းကဆို လှေနဲ့လှည်းကို ဗမာလို အခေါ်ခိုင်းတာဗျ။ မပီရင် အသတ်ခံရတယ်။ အဲဒီလို ကာလကြာကြာ အမျိုးမျိုးဖိနှိပ်ခံခဲ့ရတာဆိုတော့ ကိုယ့်စကားကို ပြန်မပြောနိုင်တဲ့အထိ ဖြစ်သွားခဲ့ရတယ်ဋ္ဋ ထိုသို့ဆိုပါက ကရင်လူမျိုးသည် လူမျိုးတမျိုးအဖြစ် ရေရှည်တည်တံ့ခိုင်မာစွာ ရပ်တည်နိုင်ပါမည်၏လော။

စာရေးသူ တတိယနိုင်ငံသို့ ရောက်လာသည့်အခါ အင်္ဂလိပ်ဘာသာစကား ELL (English Learning Language) ကို သင်ကြားရသည်။ (ဒုက္ခသည်အဖြစ် ရောက်ရှိလာသူမှန်သမျှ သင်ကြားရခြင်းဖြစ်သည်)။ စာရေးသူ၏ အတန်းပိုင်ဆရာမသည် မက်စီကန် (Mexican) အမျိုးသမီးဖြစ်၏။ စာရေးသူသည် သူမအား အြကယ်၍များ ခင်များသာ ကရင်အမျိုးသား တယောက်နဲ့ တရားဝင် အကြင်လင်မယားအဖြစ် လက်ထပ်ထိမ်းမြားလို့ သားသမီးတွေ မွေးလာမယ်ဆိုရင် သူတို့တတွေကို ဘယ်ဘာသာစကား သင်ပေးမှာလဲဋ္ဋလို့ မေးခွန်းတခုကို မေးသောအခါ၌ သူမက အောက်ပါအတိုင်း ပြန်ဖြေပါ၏။

ကျြမသာ ကရင်အမျိုးသား တယောက်ယောက်နဲ့ အိမ်ထောင်ကျလို့ရှိရင် ရလာတဲ့သားသမီး တွေကို ကရင်စကားလည်း သင်ပေးမှာ ဖြစ်သလို ကျမရဲ့ မိခင်ဘာသာ စကားကိုပါ သင်ပေးမှာ ဖြစ်ပါတယ်။ဋ္ဋ

သို့ဖြစ်ပါ၍ အရွယ်ရောက်ပြီး ကရင်မောင်မယ်များ အနေဖြင့် အခြေအနေအကြောင်းအမျိုးမျိုး တို့ကြောင့် မဖြစ်မနေ မလွှဲမရှောင်သာ လူမျိုးခြားများနှင့် လက်ထပ် ထိမ်းမြား ရစေကာမူ စာရေး သူ၏ အတန်းပိုင် ဆရာမစကားအတိုင်း မိမိတို့၏ ဘာသာစကားနှင့် ရိုးရာယဉ်ကျေးမှု ဓလေ့ထုံးစံများကို သားစဉ်မြေးဆက် သင်ကြားပေးကြ စေလိုပါသည်။

စာရေးသူ နယ်စပ်တနေရာ၌ နေထိုင်ခဲ့စဉ်က သက်ကြီး စာမတတ်သူ ပပျောက်ရေးနှင့် အခြေခံ လူထုစည်းရုံးရေး သင်တန်း Adult Literacy and Grass Root Organization Training ကို တက်ရောက် သင်ကြားခဲ့ရာ၌ နိုင်ငံခြားသား သင်တန်းဆရာက စာရေးသူအား ဤသို့ဆိုခဲ့ဖူးပါ ၏။ ခြင်ဗျားအနေနဲ့ ဥပမာ အင်္ဂလိပ်၊ တရုတ်၊ ပြင်သစ်၊ ဂျပန် ဘယ်ဘာသာ စာပေပဲဖြစ်ဖြစ် သင်ယူတဲ့အခါမှာ သူတို့ရဲ့ ဘာသာစာပေထဲမှာ သူတို့ရဲ့ ရိုးရာယဉ်ကျေးမှု ဓလေ့ထုံးစံတွေကို သင်ကြားပေးမှာ ဖြစ်သလို တဆက်တည်းသူတို့ရဲ့နိုင်ငံသမိုင်းတွေကို ထည့်သွင်းသင်ကြားပေး မှာဖြစ်တော့ အားလုံးကို တထပ်တည်းတူအောင် လိုက်လုပ်ဖို့ မဟုတ်ဘူးနော်။ ခင်ဗျားအနေနဲ့ တီးမိခေါက်မိ ရှိရုံလေး သိထားဖို့ပဲ ဖြစ်တယ်။ တထပ်တည်း တူဖို့ဆိုတာ လွယ်တာမှ မဟုတ်ဘဲ။ လိုက်လုပ်မိပြီ ဆိုရင်တော့ ခင်ဗျားတို့ရဲ့ ယဉ်ကျေးမှု ဓလေ့ထုံးစံတွေနဲ့ အမျိုးသားရေး လုပ်ငန်းတွေ ထိခိုက်နစ်နာ ပျက်စီး ဆုံးရှုံးနိုင်တဲ့ စိုးရိမ်စရာတွေ ဖြစ်သွားလိမ့်မယ်။ဋ္ဋ သို့ဖြစ်ပါ၍ စာရှုသူ အပေါင်းနှင့် မိတ်ဆွေများ၊ မျိုးဆက်သစ် လူငယ်မောင်မယ်များ၊ ပြည်တွင်းပြည်ပ၌ ပညာသင်ကြား နေကြကုန်သော အသိပညာ အတတ်ပညာရှင်များ ခင်ဗျာ … စာရေးသူ အနေဖြင့် သင်တို့အား သတိတရား ရှိစေရန် အလို့ငှာ စာရေးသူ၏ နိုင်ငံခြားသား သင်တန်းဆရာ သွန်သင်ခဲ့သည့် စကားများကို ဝေငှလိုက်ပါသည်။ အကယ်၍ စာပါအချက်အလက်များသည် သင်ခန်းစာ ယူထိုက်သည် ဆိုပါက ရယူလိုက်နိုင်စေလိုပြီး ဖေါ်ပြပါ အချက်အလက်များသည် လွဲမှားသော ဒဿနများသာ ဖြစ်သည်ဆိုပါက နားလည် ခွင့်လွှတ်နိုင်ကြ ပါစေဟုသာ။

ကျန်းမာကြံ့ခိုင်ကြစေသောဝ်။

မင်းစိုးစံ
(အဝေးရောက် ကရင်ဒုက္ခသည်တဦး)
Minnesota, USA. January 26, 2009

ဖော်ပြပါအကြောင်းအရာများသည် စောထိုးတွိုင် (ကျုံဘိုင်း၊ ကော့ကရိတ်တောင်ပိုင်း)၏ (ဖႜုံဆိုဒ်ဟှုင်ၟခိုင့် မ်ုယ၀့်ဟှ) ကရင်ဘာသာဖြင့် ရေးသားထားသည်များကို တိုက်ရိုက် ဘာသာပြန်ဆိုထား ခြင်းဖြစ်ပါသည်။