ဗိုလ်မှူးချုပ် ထိန်မောင် နယ်စပ်စောင့်မည်

Thursday, 12 February 2009 19:23 ဧရာဝတီ
ကရင် အမျိုးသား အစည်းအရုံး (KNU) မှ ခွဲထွက်သွားသော အဖွဲ့တခုသည် နယ်ခြားစောင့် ပြည်သူ့စစ် အဖွဲ့အဖြစ် အသွင်ပြောင်း ရတော့မည်ဟု ထိုင်း-မြန်မာ နယ်စပ် သတင်းရပ်ကွက် တခုက ဆိုသည်။

ဗိုလ်မှူးချုပ် ထိန်မောင် (ဓာတ်ပုံ - ဧရာဝတီ)
အဆိုပါအဖွဲ့မှာ KNU တပ်မဟာ (၇) တပ်မဟာမှူးဟောင်း ဗိုလ်မှူးချုပ် ထိန်မောင် ဦးဆောင်သည့် ငြိမ်းချမ်းရေးကောင်စီအဖွဲ့ဖြစ်ပြီး မွန်ပြည်နယ် ဘုရားသုံးဆူမြို့ဒေသတွင် တာဝန်ယူရမည်ဟု အပစ်ရပ် လက်နက်ကိုင် အဖွဲ့တခု ဖြစ်သည့် မွန်ပြည်သစ်ပါတီမှ ဗိုလ်မှူး ဉာဏ်ထွန်းက ဧရာဝတီသို့ ပြောပြသည်။

မြန်မာစစ်အရာရှိများသည် ပြီးခဲ့သည့်အပတ်က ဘုရားသုံးဆူဒေသသို့ ရောက်လာပြီး ဗိုလ်မှူးချုပ် ထိန်မောင်၊ ထိုင်း စစ်တပ် အရာရှိများနှင့် စီးပွားရေးဇုန်တခုတည်ဆောက်ရေးအတွက် ဆွေးနွေးခဲ့ကြသည်ဟု ဗိုလ်မှူး ဉာဏ်ထွန်းက ဆိုသည်။

အဆိုပါ စီးပွားရေးဇုန် တည်ဆောက်ရေးကို တပ်မတော် စစ်ဖက်ရေးရာ လုံခြုံရေး အရာရှိချုပ် ဒုတိယဗိုလ်ချုပ်ကြီးရဲမြင့်က စီစဉ်ခဲ့သည်ဟု ဆိုသည်။

အာဏာပိုင်တို့က ငြိမ်းချမ်းရေးကောင်စီကို ဘုရားသုံးဆူ ဒေသတွင် အသုံးပြုရန် ကုန်တင်ကား ၂၆ စီး ပေးအပ်ခဲ့သည်ဟု သိရသည်။ အကဲခတ်များက ဗိုလ်မှူးချုပ် ထိန်မောင်သည် နယ်စပ်ဒေသ ကုန်သွယ်ရေးအတွက် စီးပွားရေး အခွင့်အလမ်းများ ရရှိနေသည်ဟု သုံးသပ်ကြသည်။

ဗိုလ်မှူးချုပ် ထိန်မောင်သည် ၂၀၀၇ ခု နှစ်ဆန်းပိုင်းက တပ်သား ၃၀၀ ခန့်နှင့်အတူ KNU မှ ခွဲထွက်ခဲ့သည်။ ထို့နောက် မြန်မာအစိုးရနှင့် ငြိမ်းချမ်းရေးယူခဲ့ပြီး ၎င်း၏ ခွဲထွက်အဖွဲ့ကို KNU/KNLA ငြိမ်းချမ်းရေးကောင်စီဟု အမည်ပေးခဲ့သည်။

ယခုအခါ ထိုင်းမြန်မာနယ်စပ်ရှိ ဘုရားသုံးဆူ ဒေသတွင် ဗိုလ်မှူးချုပ် ထိန်မောင်သည် နယ်မြေတချို့ ရရှိထားသည်ဟု သိရသည်။ ထိုဒေသတွင် တည်ဆောက်မည်ဟု ဆိုသော စီးပွားရေးဇုန်၏ လုံခြုံရေးအတွက် နယ်ခြားစောင့်တပ် ဖြစ်လာမည့် သူ၏တပ်များကို လေ့ကျင့်ပေးဖွယ်ရှိသည်ဟု ဒေသခံ အကဲခတ်များက သုံးသပ်နေကြသည်။

သို့သော်လည်း ထိုလှုပ်ရှားမှုများသည် KNU အား တိုက်ခိုက်ရေးအတွက် ပြင်ဆင်မှုများ ဖြစ်နိုင်သည်ဟု အကဲခတ်များက ဆိုသည်။

ကရင်ပြည်နယ်အတွင်းတွင် ငြိမ်းချမ်းရေးကောင်စီ၏တပ်များနှင့် KNU တပ်များ ရံဖန်ရံခါ တိုက်ပွဲ ဖြစ်ပွားလျက်ရှိသည်။

ဗိုလ်မှူးချုပ် ထိန်မောင်၏ တပ်များ ဘုရားသုံးဆူဒေသတွင် အခြေစိုက်လာသည့်အခါ စီးပွားရေးလုပ်ငန်းများ အကန့်အသတ်များ ဖြစ်ပေါ်လာမည်ကို မွန်ပြည်သစ်ပါတီ တပ်ဖွဲ့ဝင်တချို့က စိုးရိမ်နေကြသည်။ ၎င်းတို့၏ လှုပ်ရှားမှုများ ထိခိုက်လာပြီး ပဋိပက္ခများ ဖြစ်ပွားလာမည်ကိုလည်း စိုးရိမ်သည်ဟု ဆိုကြသည်။

တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) ဟု ခေါ်သော KNU ခွဲထွက်အဖွဲ့တခုသည်လည်း နယ်ခြားစောင့် ပြည်သူ့စစ်များ အဖြစ် အသွင်ပြောင်းရတော့မည်ဟူသော သတင်းများ ပြီးခဲ့သည့်လက ထွက်ပေါ်ခဲ့သည်။ < Prev Next >