လေးစားရပါသော ကရင်အမျိုးသားများသို့ 

လေးစားရပါသော ကရင်အမျိုးသားများသို့ 
ကျနော် ကိုယ်ကျနော်မိတ်ဆက်ပါရစေ၊ ကျနော် ဟာ ဒီကေဘီအေ မှာ ထိပ်ပိုင်းတာဝန်ယူရတဲ့
သူတဦးဖြစ်ပါတယ်။ ကျနော်အခု တင်ပြ ပြောပြချင်တဲ့ အချက်ကတော့ ကျနော်လုံးဝမခံစားနိုင်တော့လို့  ရင်ဖွင့်ရခြင်းဖြစ်ပါတယ်။

ကျနော်ဟာ ဟိုး ဒီကေဘီအေ စဖြစ်ကတည်းက ဒီကေဘီအေထဲမှာစပြီး ပါဝင်တဲ့လူဖြစ်ပါတယ်။
ဒီကေဘီအေစစဖြစ်ခြင်း တကယ်ဘဲ ကျနော်လည်းထင်ခဲ့မိတယ်။ ကေအဲန်ယူ ဟာ ဘာသာရေး ခွဲခြားပြီး
သူတို့ (ခရစ်ယာန်) နဲ့မတူတဲ့ ဘာသာရေး ကိုးကွယ်တဲ့လူတွေကို ကေအဲန်ယူထဲမှာ ကြီးမားတဲ့ရာထူး
ကြီးမားတဲ့တာဝန်တွေ မပေးခဲ့ဘူးဆိုတဲ့အမြင်ကို ယုံခဲ့မိတယ်။ စစ်အုပ်စုကလည်း ၁၉၉၄ ခုနှစ် ဒီကေဘီအေ
ပြန်ဆင်းလာခဲ့ မယ်ဆိုရင် (၁)နှစ်အတွင်းသူတို့ တပ်တွေရုပ်သိမ်းပြီးတော့ ကရင်ပြည်နယ် အသိအမှတ်
ပြုပေးပြီး အုပ်ချုပ်ရမယ်တဲ့။ ကျနော်လည်းတော်တော်ပျော်သွားတယ်။ ကျနော်တို့ လိုချင်တာကလည်း
လွတ်လပ်တဲ့ ကရင်ပြည်နယ်နဲ့ မိမိတို့ ခေါင်းဆောင်တွေနဲ့အုပ်ချုပ်ရမယ်၊ နေရမယ်ဆိုပြီး အရမ်းကို ဝမ်းသာသွားတယ်။
ဒီအတွက်နဲ့ဘဲ ကေအဲန်ယူရဲ့ ဌာနချုပ် မာနယ်ပလောကို တိုက်ဖို့ အတွက် ကျနော်တို့ ဟာ ဗိုလ်ချုပ်မောင်လှ
ရဲ့ဗမာတပ်တွေနဲ့ပေါင်းပြီး လမ်းပြအဖြစ်ထိပ်တိုက်မှာ ကျနော်တို့ ပါဝင်ခဲ့တယ်။ ကေအဲန်ယူဟာ ကျနော်
တို့ ကို မပစ်ဘဲသူတို့ ရဲ့ မာနယ်ပလော ဌာနချုပ်ကို လွယ်လွယ်ဘဲ ဆုတ်ပေး လိုက်တယ်။ နောက်ပိုင်း
ကျနော်သေသေချာချာပြန်စဉ်းစားမိတော့ (ကေအဲန်ယူဟာ ကရင်အမျိုးသား တွေဖြစ်တဲ့ ကျနော်တို့ ကို
မပစ်ဘဲနေတာဖြစ်တယ်။ ကရင်ကရင်ခြင်း မသတ်ဖြတ်ချင်တဲ့သဘောဖြစ်တယ်။

အဲဒီနောက်ပိုင်း ကျနော်တို့  ဒီကေဘီအေဟာ ကိုယ့်ကိုယ်ကို အထင်ကြီးပြီး ဝင့်ကြွားလာတယ်။ ဗမာ
တပ်ဗိုလ်တွေကလည်း ကျနော်တို့ တပ်တွေအင်အားကောင်းလာဖို့  စီးပွားရေးလုပ်ပိုင်ခွင့်တွေကို ခေါင်းဆောင်ပိုင်းတွေအပေါ်ပေးလာတယ်။ အါဝါဒေး တွေကို ကိုယ့်ရပ်ကိုယ့်ရွာ အဆင့်မှာဘဲ ကြိုက်တဲ့
နေရာ မှာ လုပ်လို့ ရအောင်ဗမာတပ်တွေက ကျနောတို့ ကို လုပ်ခွင့်ပေးတယ်။ မသိရင်တော့ ကျနော်တို့ 
ဟာ ဗမာတွေပြောထားတဲ့ (၁)နှစ်အတွင်းကရင်ပြည်ပေးမယ်ဆိုတာ အါဝါဒေး ကိုဘဲပေးသလားပေါ့။ မသိရင်တော့ ကရင်ပြည်နယ်အတွင်းမှာ ကျနော်တို့ ဒီကေဘီအေဟာ ဘာမဆိုလုပ်ပိုင်ခွင့် ရနေ
သယောင် ရှိနေတယ်ပေါ့။ အာဏာနှင့်လုပ်ပိုင့်ခွင့် အပြည့် ရှိတယ်ပေါ့၊ဒါပေမဲ့ ကျနော်တို့ ရဲ့အာဝါဒေးရဲ့
အကျိုးရလာဒ်ဟာ ကျနော်တို့  ကရင်ပြည်သူတွေ လောင်းကစား တတ်လာတယ်။မူးယစ်ဆေးဝါးတွေသုံးစွဲ
လာတယ်။ အကြွေးတွေ သိန်းနှင့်ချီပြီး တင်နေကြတယ်။ မူးယစ်ဆေးဝါး ရောင်းဝယ်ဖေါက်ကားမှုတွေကလည်း
ကရင်ပြည်နယ်အတွင်းမှာ ဈေးရောင်း သလိုဘဲဖြစ်နေတယ်။ ဒါလား ကျနော်တို့  ရဲ့လွပ်လပ်တဲ့ကရင်ပြည်။
လွပ်လပ်တဲ့ ကိုယ်ပိုင်အုပ်ချုပ်ခွင့်တဲ့လား။ ကျနော်စဉ်းစားရင်း အရမ်းကိုရင်နာတယ်။

နောက်(၂၀ဝ၄)ခုနှစ်မှာ ဗိုလ်ခင်ညွန့်ပြုတ်ပြီးနောက်ပိုင်း ကျနော်တို့ ပြည်နယ်မှာ ဗမာတွေကားလိုက်
သိမ်းတယ်။ ကျနော်တို့  ဘာမှ မကူညီနိုင်ဘူး၊ကျနော်တို့ ကရင်ပြည်သူတွေတော်တော်ထိသွားတယ်။
မြိုင်ကြီးငူအတွက်ကတော့ နည်းနည်းရလိုက်တာဘဲရှိတယ်၊။နောက်(၂၀ဝ၆)ခုနှစ်မှာ ဗမာတွေဟာ
နေပြည်တော်ကို ပျဉ်းမနားကြပ်ပြေးမှာ တည်တဲ့အချိန် ကြပ်ပြေးနဲ့အနီးအနားမှာရှိတဲ့ရွာတွေကို လူမနေရ
ဧရိယာဖြစ်သွားအောင် နယ်မြေရှင်းလင်းရေးထိုးစစ်မှာ ကျနော်တို့ ကရင်ပြည်သူတွေအနေများတဲ့ တောင်ငူ၊ညောင်လေးပင် ဒေသ ရှင်းလင်းသုတ်သင်ရေးမှာလည်း ကျနော်တို့ ဟာကျနော်တို့ ရဲ့ ကရင်ပြည်
သူတွေကို ဘာမှမကူညီပေးနိုင်ဘူး။ ဒါလား ကျနော်တို့  ဒီကေဘီအေ ဟာကရင်အမျိုးသားရေး အတွက်ဖြစ်
တယ်ဆိုတာ ဘာနဲ့သက်သေပြလို့ ရမှာလဲ။နောက်တခုက ဗမာတပ်ဗိုလ်တွေဟာ ကျနော်တို့  ဒီကေဘီအေ
တွေကို ဘာသာရေးတပ်အဖြစ်နဲ့ဖြစ်အောင်ဖန်တီးထားတာကလည်း ကမ္ဘာမှာ တခါမှမရှိခဲ့ဘူးသေးတဲ့
တခုတည်းသော ဘာသာရေးလက်နက်ကိုင်တပ်ဖြစ်ခဲ့အောင် ကရင်တွေရဲ့ သမိုင်းမှာ လုံးဝကိုမဖြစ်
သင့်တဲ့ သမိုင်းအမဲစက်ကြီးကို ကျန်ရစ်ခဲ့အောင်ဖန်တီးခဲ့တာဘဲ။ ဒါကို ကျနော်တို့  ဒီကေဘီအေ
ကလက်ခံခဲ့တယ်တဲ့လား။ ကျနော်လည်း လုံးဝကိုစဉ်းစားမရနိုင်အောင်ဖြစ်ခဲ့တယ်။ ဗမာစစ်ဗိုလ်တွေက
တော့ပြောတယ် မင်းတို့  ဒီကေဘီအေ တပ်ဟာ ဘာသာရေးကိုအခြေခံတဲ့တပ်ဖြစ်တဲ့အတွက်
နိုင်ငံတော်က စဉ်းစားပေးမယ်တဲ့။ ကျနော်တို့ အတွက် ဘာကို စဉ်းစားပေးမယ်ဆိုတာစဉ်းစားလို့ မရဘူး၊

နောက် ကျနော်တို့  ဒီကေဘီအေအတွက် အရှက်ဆုံးအရာက (၂၀ဝ၇)ခုနှစ် စက်တင်ဘာလမှာ
ဗမာစစ်တပ်တွေက ရဟန်းသံဃာတွေကို ပစ်ခတ်ရိုက်နှက်သတ်ဖြတ်တဲ့အချိန်မှာ မြန်မာပြည်တခုလုံးမှာ
ရှိတဲ့ပြည်သူတွေကော တကမ္ဘာလုံးမှာရောက်ရှိနေကြတဲ့ မြန်မာပြည်သူပြည်သားတွေဟာ ကျနော်တို့ 
ဒီကေဘီအေကိုလှမ်းမေးတယ်။ ဘာသာရေး သာသနာရေး ကို လုပ်ဆောင်ပေးနေတဲ့ ဒီကေဘီအေ
စစ်တပ်တွေရဟန်းသံဃာတွေကို ပစ်ခတ်သတ်ဖြတ်နေတဲ့အချိန်မှာ သာသနာတော်အတွက်
ရဟန်းသံဃာတွေအတွက်ဘာမှမကာကွယ်ပေးဘူးလားတဲ့။ အဲဒီအချိန်တုန်းကဆိုရင် ဒီကေဘီအေ တွေရဲ့
မျက်နှာဟာ လုံးဝ မျက်နှာပြမရဲတော့လောက်အောင် အိမ်တွင်းပုန်းနေခဲ့ရတယ်။ ဘာဖြစ်လို့ လဲဆိုတော့
ဒီကေဘီအေ လို့ အမည်ခံထားတဲ့စစ်တပ်ဟာ ဘာသာရေးနဲ့သာသနာရေးအတွက်ဖြစ်တယ်။ ကရင်ပြည်သူတွေ
အတွက်ဖြစ်တယ်၊ ကရင်ပြည်သူတွေအတွက်ကတော့ထားပါတော့။ ဘာသာရေးနဲ့ သာသနာရေးအတွက်ဆို
တော့ ရဟန်းသံဃာတွေကို ဗမာတွေပစ်ခတ်သတ်ဖြတ်နေချိန်မှာ ဒီကေဘီအေ က ဘာမှကို မကူညီပေးနိုင်ခဲ့ဘူး။ ဗမာတို့ ရဲ့  သတ်ဖြတ်ခြင်း ခံရတဲ့ရဟန်းသံဃာတွေဘက်အတွက်လည်း ဗမာတွေ သတ်လို
့မရအောင်မဟန့်တားပေးနိုင်ခဲ့တဲ့အပြင်။ လိုအပ်ရင်ရဟန်းသံဃာတွေကို အပြတ်ရှင်းဖို့  ဒီကေဘီအေ ကို ဗမာတွေအမိန့် တွေထပ်ပေးလာလို့  ကျနော်တို့ ဘာလုပ်ရမယ်မှန်းမသိတော့လောက်အောင် ဖြစ်ခဲ့ရတယ်။

ကျနော်တို့ အတွက် အိပ်မက်ဆိုးတွေ ခြောက်လှန့် တဲ့ကာလဖြစ်ခဲ့တယ်ပေါ့။ ဒါတဲ့လား ဒီကေဘီအေ ဆိုတာ အမျိုးဘာသာ သာသနာအတွက် ဆိုတာ။အခုနောက်ဆုံး (၂၀၁၀) ရွေးကောက်ပွဲပြီးရင် နိုင်ငံတခုမှ
တခုတည်းသော တပ်မတော်အောက်မှာဘဲလက်နက်ကိုင်တပ်ဖွဲ့ ကိုထားရှိမယ်တဲ့။ ဗမာစစ်ဗိုလ်တွေ
နေပြည်တော်ရဲ့အမိန့် နဲ့လာပြီး ကျနော်တို့  ဒီကေဘီအေကိုလာချပြတယ်။ ဆွေးနွေးတာမဟုတ်ဘူး ချပြတာ
ဖြစ်တယ်။ လက်နက်ကိုင်ချင်ရင် နယ်ခြားစောင့်တပ်အဖြစ်တပ်မတော်ရဲ့လက်အောက်ခံအနေနဲ့ လုပ်ပေါ့။
တပ်ရင်းတရင်းမှာ ဗမာစစ်တပ်က လုပ်တတ်ကိုင်တတ်တဲ့စစ်ဗိုလ်အရာရှိတွေ(၃၀)ယောက်လည်း လာကူ
ပေးအုံးမယ်တဲ့။ လခ ကိုတောင် ပေးလိုက်အုံးမယ်တဲ့။လခပေးတဲ့နောက်တော့ လခစားဖြစ်တဲ့နောက်တော့
ဒီကေဘီအေဟာ ဗမာကြေးစားတပ်လုံးလုံးဖြစ်ပြီးပေါ့။လုပ်မလား မလုပ်ဘူးလားပေါ့။ ဖိအားပေါ့။ ဒါဆို
ဒီကေဘီအေဆိုတာ ဘာဖြစ်သွားမလဲပေါ့။ နောက်ပြီး သူတို့ ကထပ်ပြောပြလိုက်သေးတယ် ကျနော်တို့ 
ဒီကေဘီအေကို ဘာသာရေးတပ်မတော် ဖြစ်တဲ့အတွက် စဉ်းစားပေးတာတဲ့၊
အဲဒီမှာ ကျနော်တို့  ဒီကေဘီအေ ခေါင်းဆောင်တွေပြသာနာကောင်းကောင်းတက်
်တော့တာဘဲ။ တဖက်မှာဗိုလ်ခင်ညွန့် ကောင်းစားခဲ့စဉ် လုပ်ထားခဲ့တဲ့ မူးယစ်ဆေးဝါးထုတ်လုပ်ခဲ့မှု၊
မှောင်ခိုရောင်းဝယ်ခဲ့မှု မှတ်တမ်းမှတ်ရာတွေဟာ နေပြည်တော်ရဲ့ ထောက်လှမ်းရေးဖိုင်ထဲမှာ နာမည်တွေက
လျှောက်လွာစာရွက် အပြည့်ဆိုတော့လက်မခံရင် ထွက်ပြေးပေါ့။ ထွက်ပြေးဖို့ ကလည်း စည်းစိမ်ဥစ္စာတွေက
စွန့် ပစ်လို့ မရနိုင်အောင် မဖြစ်နိုင်အောင်ရှိပြီးဖြစ်တဲ့အတွက် လုံးဝကိုဆုတ်လမ်းမရှိတော့ဘူးပေါ့။
အဲဒီလိုဖြစ်နေအောင် ဗမာစစ်ဗိုလ်တွေ က လုပ်ပိုင်ခွင့်တွေပေးခဲ့တယ်ဆိုတာ အခုမှ သဘောပေါက်တော့တယ်။
ဆုတ်လဲစူး စားလဲရူးပေါ့။ လက်အောက်ငယ်သားကတော့လုံးဝကိုလက်မခံနိုင်ဘူးပေါ့။ ပြောတော့ စောဘဦးကြီးရဲ့ မူကို လက်ကိုင်ထားတယ် အခုဘာဖြစ်လို့  ဗမာစစ်တပ်ဖြစ်သွားရတာလဲတဲ့။ ကျနော်တို့ 
ဘာမှပြန်မဖြေနိုင်ခဲ့ဘူး၊အဲဒါတွေကြောင့် ကျနော်ဟာ ဒီကေဘီအေ ရဲ့ တကယ့်လက်ရှိ အဖြစ်မှန်တွေက
ို ဖေါ်ထုတ်ဖို့ သင့်ပြီးလို့ ကျနော်ယူဆခဲ့လို့  အခုလိုရင်ဖွင့်ရခြင်းဖြစ်ပါတယ်။ ကေအဲန်ယူ အတွက်
ကျနော်ကျေးဇူး ပြန်ဆပ်လို့ ရတဲ့ တခုတည်းသောနည်းလမ်းနဲ့ ကျေးဇူးဆပ်ခွင့် ရတဲ့အတွက်
ကျနော်ကိုယ်ကျနော် နောက်ဆုံး ဂုဏ်ယူတယ်။ ကျနော်လည်းအသက်ကြီးပြီး။ သိသွားတော့လည်း သူတို့ သတ်လို့  သေရုံမှတပါး အခြားကို မျှော်လင့်မထားဘူး။ ဒါဟာ ကျနော့်ရဲ့ကရင်အမျိုးသားတွေအပေါ်
မှားခဲ့တဲ့ ကျနော်ရဲ့ လုပ်ဆောင်မှု တွေအတွက် အကြွေးကို ပြန်ဆပ်ပေးလိုက်တယ်လို့ ဘဲ
ကျနော်ခံယူတယ်။ နောက်ဆုံး မေလ(၇)ရက်နေ့ မှာ ဒီကေဘီအေ ရဲ့ အနာဂါတ် ပုံဖေါ်ပွဲ အစည်းအဝေးမှတ်တမ်းကိုကျနော် အသိပေးလိုက်ပါတယ်။

ဒါဟာ အခု နယ်ခြားစောင့်တပ်ဖြစ်စေဖို့  ကရင်ပြည်နယ်ကျေးရွာတွေမှာ
ဒီကေဘီအေ စစ်သားသစ်မဖြစ်မနေ လုပ်ရမဲ့ကိစ္စတွေ၊ တပ်မဟာ(၇)ကို ဝင်ရောက်တိုက်ခိုက်ရတဲ့ အဖြစ်မှန်တွေကိုသိရမှာဖြစ်ပါတယ်။ ကျနော်ကိုနားလည်ခွင့်လွတ်ပေးကြပါလို့  ဦးညွတ်တောင်းပန်ရင်း
ကေအဲန်ယူ ရဲ့ ကရင်အမျိုးသားလွတ်မြောက်မှုတိုက်ပွဲ တော်လှန်ရေး အောင်မြင်ပါစေ - ဒီစာကိုရရှိတဲ့သူများ ဆက်လက်ဖြန့် ဝေစေချင်ပါတယ်။ကရင်အမျိုးသားများကို တောင်းပန်ခြင်းများစွာဖြင့်-
ဒီကေဘီအေ ခေါင်းဆောင်တဦး ။ မြိုင်ကြီးငူ။ (ဇွန်လ-၁၇ ရက်။၂၀ဝ၉ ခုနှစ်)၊